ᖃᐅᔨᓴᕐᓂᖅ ᐊᑦᑕᓇᑐᐃᓐᓇᕆᐊᓕᓐᓂᑦ ᐃᓱᒪᒋᔭᐅᖏᓐᓇᖃᑦᑕᖅᑐᑦ ᓯᕗᒧᐊᑎᑦᓯᓂᕐᒥᑦ ᓯᕗᓪᓕᐅᔾᔨᓂᕐᒥᑦ ᐋᖅᑭᐅᒪᔾᔪᑎᓂᑦ. ᐊᐱᕆᒋᑦ ᓇᒻᒥᓂᖅ ᐱᓕᕆᐊᖑᓇᓱᐊᖅᑐᖅ ᐱᒻᒪᕆᐅᓗᒃ, ᓈᒻᒪᑦᑐᖅ ᐅᕝᕙᓘᓐᓃᑦ ᐊᑦᑕᓇᓗᐊᖏᑦᑐᒦᑦᑐᑦ:

• ᐱᒻᒪᕆᐊᓗᒃ: ᐋᖅᑭᐅᒪᔾᔪᑏᑦ ᐱᓕᕆᐊᖑᓇᓱᐊᖅᑐᑦ ᐱᒻᒪᕆᐅᔪᕆᔭᐅᔪᖅ ᑕᐃᒃᑯᐊᖑᕗᑦ, ᓅᑎᑕᐅᑉᐸᑦ ᐊᑦᑕᕐᓇᓕᓐᓂᐊᖅᑐᖅ ᐃᓄᐃᑦ ᐋᓐᓂᐊᖃᕐᓇᖏᑦᑐᒦᖁᓪᓗᒋᑦ, ᐊᕙᑎᓕᕆᓂᕐᒧᑦ ᒪᓕᒐᐃᑦ, ᐅᕝᕙᓘᓐᓃᑦ ᐱᔪᓐᓇᕋᔭᖏᑦᑐᑦ ᓄᓇᓖᑦ ᐱᒐᔭᖅᑎᓪᓗᒋᑦ ᐱᔨᑦᓯᕋᖅᑕᐅᓂᕐᒥᑦ. ᐱᔨᑦᓯᕋᖅᑕᐅᓂᖅ ᐃᓱᒪᒋᔭᐅᔪᑦ ᖃᖓᑕᔫᒃᑯᕖᑦ, ᐃᓕᓐᓂᐊᕐᕖᑦ, ᐋᓐᓂᐊᕐᕖᑦ, ᐃᒪᕐᒧᑦ, ᖁᕐᑕᕐᕖᑦ, ᐊᒻᒪᓗ ᐊᑦᑕᑯᓄᑦ, ᐊᓯᖏᓐᓄᓪᓗ. ᐃᓚᒋᐊᕐᓗᒍ ᐱᓕᕆᐊᖑᓇᓱᐊᖅᑐᖅ ᑕᑯᑦᓴᐅᑎᑦᓯᐸᑦ ᐱᕚᓪᓕᑎᑦᓯᓂᕐᒥᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᖃᓄᐃᖏᓂᕐᒥᓪᓗ ᓄᓇᓕᓐᓂᑦ, ᐱᒻᒪᕆᐅᔪᕆᔭᐅᔪᓐᓇᖅᑐᖅ.
• ᓈᒻᒪᑦᑐᖅ: ᐋᖅᑭᐅᒪᔾᔪᑏᑦ ᐱᓕᕆᐊᖑᓇᓱᐊᖅᑐᑦ ᐃᓱᒪᒋᔭᐅᐸᑦ ᓈᒻᒪᑐᖅ ᐊᑦᑕᓇᑐᐃᓐᓇᕆᐊᓕᓐᓂᑦ ᐊᔾᔨᒐᓚᖓ ᐱᒻᒪᕆᐅᔪᕆᔭᐅᔪᖅ ᐱᓕᕆᐊᖑᓇᓱᐊᖅᑐᖅ ᐅᓐᓃᑦ; ᐱᔨᑦᓯᕋᖅᑕᐅᕙᑦᑐᑦ ᑐᓂᔭᐅᒍᓐᓇᖃᑦᑕᖅᑐᑦ ᐊᓯᒎᖅᑎᑕᐅᖔᖅᓱᑎᑦ. ᓲᕐᓗ ᐃᒥᖅᑕᕐᕕᒃ ᐊᖏᓪᓕᒋᐊᖅᑕᐅᓂᖓ, ᐋᖅᑭᐅᒪᔾᔪᑏᑦ ᐊᒻᒪᓗ ᐱᖁᑏᑦ ᑭᐅᒋᐊᖃᖅᑐᑦ ᑐᐊᕕᕐᓇᖅᑐᓄᑦ ᖃᓄᐃᓐᓂᐅᔪᓄᑦ, ᐊᓯᖏᓪᓗ.
• ᐊᑦᑕᓇᓗᐊᖏᑦᑐᒦᑦᑐᑦ: ᐋᖅᑭᐅᒪᔾᔪᑏᑦ ᐱᓕᕆᐊᖑᓇᓱᐊᖅᑐᑦ ᐊᑦᑕᓇᓗᐊᖏᑦᑐᒦᑦᑐᕆᔭᐅᔪᑦ ᑖᒃᑯᐊᖑᕗᑦ ᑐᓪᓕᐊᓃᑦᑐᑦ ᐃᓘᓐᓇᒍᑦ ᐊᑑᑎᖃᑦᓯᐊᖅᑐᖅ ᐃᓚᒋᔭᐅᑦᓱᓂ ᓄᓇᓕᓐᓂᑦ ᐋᖅᑭᐅᒪᔾᔪᑎ. ᓲᕐᓗ ᐱᓐᖑᐊᕐᕕᒃ ᓈᒻᒪᖏᑦᑐᖅ ᖃᓄᐃᓪᓗᐊᕐᓂᖓ ᑲᑎᑎᑦᓯᖏᑦᑐᕐᓗ ᓄᓇᓕᓐᓂᑦ ᐃᓐᓄᒍᓐᓇᕐᓂᖓᓂᑦ ᐱᔭᕆᐊᓕᓐᓂᑦ ᓄᓇᓕᓐᓂᑦ ᑲᑎᖃᑦᑕᑎᓪᓗᒋᑦ ᒪᕐᕈᐊᑎᖅᓱᑎᑦ ᐊᕐᕌᒎᑉ ᐃᓗᐊᓂᑦ, ᐊᓯᖏᓪᓗ.

ᐋᖅᑭᐅᒪᔾᔪᑏᑦ ᐊᔾᔨᒌᖏᑦᑐᑦ:

1. ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᑦᑕᓇᖏᓐᓂᕐᒧᓪᓗ - ᐱᓕᕆᐊᖑᓇᓱᐊᖅᑐᑦ ᐅᓄᕈᓐᓃᖅᑎᑦᓯᓂᕐᒥᑦ ᐊᑦᑕᓚᑐᐃᓐᓇᕆᐊᓕᓐᓂᑦ ᐃᓄᐃᑦ ᐋᓐᓂᐊᖃᕐᓇᖏᑦᑐᒦᖁᓪᓗᒋᑦ ᓄᓇᓕᑦᓯᓐᓂᑦ ᐃᑲᔪᖅᑐᓂᕐᒥᓪᓗ ᐃᓄᐃ ᐱᔭᕆᐊᓕᖏᓐᓂᑦ ᓄᓇᓕᓐᓂᒥᐅᑕᐃᑦ. ᓲᕐᓗ ᐃᒪᖅ, ᖁᖅᑕᕐᓃᑦ, ᐊᑦᑕᑯᐃᑦ, ᐋᓐᓂᐊᕐᕖᑦ, ᐊᓯᖏᓪᓗ.
2. ᑎᓕᔭᐅᓯᒪᓂᖏᓐᓄᑦ ᐱᓕᕆᐊᑦ ᐱᔨᑦᓯᕋᕐᓃᓪᓗ - ᐱᓕᕆᐊᖑᓇᓱᐊᖅᑐᑦ ᐊᑐᐃᓐᓇᐅᑎᑦᓯᔪᑦ ᐱᔭᕆᐊᖃᖅᑐᓂᑦ ᐱᓕᕆᐊᓂᑦ ᐊᒻᒪᓗ/ᐅᕝᕙᓘᓐᓃᑦ ᐱᔨᑦᓯᕋᕐᓂᖅ ᓄᓇᓕᑦᓯᓐᓂᑦ ᓇᓗᓇᐃᖅᑐᖅᑕᐅᒐᔭᖅᑐᑦ ᒪᓕᑦᑕᐅᒋᐊᖃᕐᓂᐊᖅᑐᓂᑦ. ᓲᕐᓗ ᖃᑦᑎᕆᔨᒃᑯᑦ ᐃᓪᓗᖁᑖ, ᓄᓇᓕᓐᓂᑦ ᐊᑐᕆᐊᑦ, ᐊᓯᖏᓪᓗ.
3. ᒪᑭᒪᔪᓕᕆᓂᕐᒧᑦ, ᑮᓇᐅᔭᓕᐅᕋᓱᐊᕐᓂᕐᒧᑦ ᐃᑲᔫᑎᓪᓗ - ᐱᓕᕆᐊᖑᓇᓱᐊᖅᑐᑦ ᐊᑭᖏᑦ ᑲᑐᔾᔭᐅᕗᑦ ᒐᕙᒪᒃᑯᓐᓄᑦ ᓄᓇᕗᒻᒥ ᐊᒻᒪᓗ ᒐᕙᒪᑐᖃᒃᑯᓐᓄ, ᐅᑎᕐᕕᐅᔪᓐᓇᖅᑐᑦ ᑮᓇᔭᓕᐅᕈᑕᔪᓂᑦ ᐅᕝᕙᓘᓐᓃᑦ ᐆᒻᒪᖅᑯᑎᓂᑦ ᐊᑐᓗᐊᖏᓂᕐᒥᑦ ᑲᑎᑎᑦᓯᒐᔭᖅᑐᖅ ᒪᓕᑦᑕᐅᒋᐊᖃᕐᓂᐊᖅᑐᓂᑦ. ᓲᕐᓗ ᐃᒪᖅ, ᖁᖅᑕᕐᓃᑦ, ᐊᑦᑕᑯᐃᑦ, ᖃᖓᑕᔫᒃᑯᕖᑦ, ᐊᓯᖏᓪᓗ.